Trepça triumfoi në derbin e javës së dytë të Prince Caffe Superligës, duke mundur Sigal Prishtinën me rezultat 78:66 (24:16, 18:23, 21:7, 15:20).
Vendasit e nisën ndeshjen më mirë dhe të motivuar edhe nga përkrahja e tifozëve, e fituan çerekun e parë me rezultat 24:16.
Megjithatë, prishtinasit nuk u dorëzuan dhe filluan të këndellen, duke afruar rezultatin, ku pjesa e parë përfundon 42:39.
Mitrovicasit e nisën furishëm pjesën e dytë, përkatësisht periudhën e tretë, madje, kryeqytetasit për shtatë minuta nuk shënuan pikë, ku ‘Xehetarët’ kishin seri prej 14:0, ndërsa rezultati pas 30 minutash ishte 63:46.
Fituesit e Superkupës ruajtën epërsinë në dhjetë minutat e fundit për të triumfuar në fund 78:66.
Te vendasit u dalluan Cevin Davis me 19 pikë e nëntë kërcime dhe Drilon Hajrizi me 22 pikë, kurse te mysafirët Derrick Wilson me 25 pikë e pesë kërcime.
Trepça ka dy fitore në dy ndeshje, kurse Sigal Prishtina një fitore e një humbje.
Kryetari i Zubin Potokut: Shpërthimi në Ibër Lepenc nuk ka d...
Shpërthimet në veri, Haradinaj: Organet e sigurisë të bashkë...
Përplasja e Xuxit me Kevinin shkaktoi momente të tensionuara...
Xuxi pyet Edin: “A i ke ra pishman që ke dal?” –Edi: “Pishma...
Hezbollahu e cilëson si “fitore hyjnore” armëpushimin me Izr...
Shpërthimi në kanalin e Ibër-Lepencit në Zubin Potok, ndërpr...
Skip to content
